Premyer Liqanın XIV turunun “Səbail”lə qarşılaşmasında dubl edən Nicat Süleymanov komandasının heyətində ikinci dəfə analoji uğurla yadda qalıb.
Sportinfo.az xəbər verir ki, 21 yaşlı futbolçu Premyer Liqanın “Sabah”la oktyabrın 26-da keçirilmiş səfər oyununda da 2 qol vurmuşdu - 2:2.
Süleymanov bununla da “Zirə”nin heyətində Premyer Liqada ən çox dubl edən yerli futbolçu - 2017/18-ci illər mövsümündə iki matçda bunu bacarmış Təmkin Xəlilzadəyə çatıb.
Klub tarixinin rekordçuları isə salvadorlu Nelson Bonilya və paraqvaylı Xulio Sezar Rodrigesdir. Onların hərəsi üç oyunda dublla yadda qalıblar.