.jpg)
AFFA problemlə üzləşib. Belə ki, federasiya
Premyer Liqanın 3 klubu qarşısında götürdüyü əlavə yardım paketinin tələblərini yerinə yetirməkdə çətinlik çəkir.
Məlum olduğu kimi, qurumun İcraiyyə Komitəsi ötən ilin yayında «Sumqayıt», «Zirə» və «Səbail»ə maddi dəstəyin verilməsini qərara alıb.
Buna əsasən, «Zirə»yə 500 min, «Sumqayıt»a 300 min, «Səbail»ə 200 min manat ayrılıb. Göstərilən məbləğ aylar üzrə bölünərək, elita təmsilçilərinin hesabına köçürülürdü.
İndi isə prosesin tənzimlənməsində fasilə yaranıb və bunun nə qədər belə davam edəcəyi naməlumdur. «Sumqayıt» və «Səbail» rəsmiləri problemlə bağlı AFFA ilə əlaqə saxlayıb, lakin konkret cavab almayıb.
SPORTİNFO.AZ
