.jpg)
"Ağrı olduğunu hiss elədim və istəmədim belə davam edim. Çünki bir dəfə belə halda oyuna davam etmişdim. Nəticədə dizimdə yırtıq əmələ gəlmişdi. Bu baxımdan ehtiyat elədim".
Bunu Sportinfo.az-a açıqlamasında "Səbail"lə matçda zədələnərək erkən əvəzlənən "Keşlə"nin kapitanı İlkin Qırtımov deyib.
Təcrübəli futbolçu son durumu ilə bağlı da danışıb: "Bu gün həkimə getmişdim. Dizimdə dartınma olduğu aşkarlandı. Yəqin ki, növbəti həftə müalicə alacam. Belədə yalnız fərdi məşq edə biləcəm".
Xatırladaq ki, Premyer Liqanın 13-cü turu çərçivəsində dünən baş tutan "Keşlə" - "Səbail" qarşılaşması qollu heçə-heçə (2-2) ilə başa çatıb.
İlkın Qırtımov isə dizindəki ağrılar səbəbindən 15-ci dəqiqədə Tural Axundovla əvəzlənib.
.jpg)
