"Qəbələ"nin mərakeş əsilli belçikalı legioneri Əyyub Allaş AFFA İntizam Komitəsi tərfindən 4 oyunluq cəzalandırılıb.
Buna səbəb onun Premyer Liqanın 20-ci turunun “Neftçi” ilə matçından sonra hakimi təhqir etməsi olub.
İnqilab Məmmədov tərəfindən birbaşa qırmızı vərəqə alan yarımmüdafiəçi 2-si şərti olmaqla 4 oyunluq cəzalanıb,
“Qəbələ” 3000 manat cərimələnib. Ona 3 aylıq sınaq müddəti təyin edilib.
Sözügedən matç "Neftçi"nin 3:1 hesablı qələbəsi ilə yekunlaşıb. Allaş dilini dinc saxlaya bilmədiyinə görə klubun özü tərəfindən də cəzaya tuş gəlib.
Daxili nizam-intizam kodeksinə görə ərəb futbolçu 5000 manat cərimələnib.
SPORTİNFO.AZ