"Vest Hem" klubu heyətini yeni futbolçu ilə gücləndirib.
Sportinfo.az xəbər verir ki, London təmsilçisi "Renn"in müdafiəçisi Nayef Aqerdi rənglərinə bağlayıb.
Bu barədə paytaxt klubunun rəsmi saytı məlumat yayıb.
"Vest Hem" mərakeşli oyunçu ilə 5 illik müqavilə imzalayıb. Premyer Liqa təmsilçisinin bu keçid üçün Fransa klubuna 35 milyon avro ödədiyi bildirilir.
Mərakeş millisinin üzvü olan Nayef Aqerd son mövsümdə "Renn"in heyətində meydana çıxdığı 40 rəsmi matçda 4 qol vurub.