Ötən gün dünyasını dəyişmiş Dieqo Maradona ilə vida mərasiminə Argentinanın prezidenti Alberto Fernandes də qatılıb.
Sportinfo.az xəbər verir ki, Buenos-Ayresdəki Kasa Rosada prezident sarayında keçirilən tədbirdə onu ölkənin birinci xanımı Fabiola Yanes müşayiət edib. Onların mərasimə helikopterlə gəldikləri bildirilib.
Prezident saraya daxil olarkən içəriyə digər şəxslərin girişi müvəqqəti dayandırılıb. Bu zaman Maradonanın qohumları da orada olub.
Dieqo Maradona noyabrın 25-də 60 yaşında ikən ürəktutmasından vəfat edib.