Ukrayna Premyer Liqasının 10-cu turunda noyabrın 21-də keçirilməli olan “Olimpik” – “Zarya” matçı təxirə salınıb.
Sportinfo.az xəbər verir ki, bu barədə Ukrayna Premyer Liqasının rəsmi saytı məlumat yayıb.
“Olimpik”də koronavirusa kütləvi yoluxma halının aşkarlanması oyunun ləğv olunmasına səbəb olub.
Məsələ burasındadır ki, meydan sahiblərinin heyətində bu oyunda iştirak edə biləcək sağlam qapıçı qalmayıb. Donetsk təmsilçisində U-19 və U-21 komandalarının görüşləri də baş tutmayacaq.