.jpg)
FİFA-nın İntizam Komitəsi Seneqal Futbol Federasiyasını cərimələyib.
Sportinfo.az xəbər verir ki, bu barədə qurumun rəsmi saytı məlumat yayıb.
FİFA-nın belə qərar qəbul etməsinə səbəb Seneqal millisinin media ilə bağlı reqlamentin müddəalarını pozması olub.
Qanun pozuntusu Seneqal millisinin oyunçusunun DÇ-2022-nin qrup mərhələsinin 3-cü turunda Ekvadorla oyundan (2:1) əvvəl keçirilən mətbuat konfransında iştirak etməməsi ilə əlaqədardır.
Komandanın baş məşqçisi Aliou Sisse mətbuat konfransında futbolçuların iştirak etməməsini belə izah edib: "Heç olmasa, bir futbolçunun oyundan əvvəl 3 saat yolda qalmasını istəmirəm".
Buna görə də Seneqal Futbol Federasiyası 10 min İsveçrə frankı (10 min 162 avro) məbləğində cərimələnib.
Qrup mərhələsinin yekunlarına görə, Seneqal millisi 6 xal toplayaraq 1/8 finala adlayıb.
.jpg)
