.jpg)
“Belə bir məsələ var, hazırda danışıqlar gedir”.
Bu sözləri Sportinfo.az-a açıqlamasında Azərbaycan Minifutbol Federasiyasının mətbuat xidmətinin rəhbəri Sərxan Abışov deyib.
Ötən həftə minifutbol üzrə növbəti Azərbaycan çempionatı start götürüb. Birincilikdə 17 komanda öz qüvəsini sınayır.
İkinci turun oyunları dekabrın 3-də keçiriləcək. Redaksiyamıza daxil olan məlumata görə, gələn turdan başlayaraq çempionat qarşılaşmaları efirə daşınacaq.
Bununla bağlı Azərbaycan Minifutbol Federasiyası ilə “İdman”TV arasında razılıq əldə edilib. Anlaşmaya əsasən, hər turun 2-3 matçı canlı yayımlanacaq.
Press-ateşe bununla bağlı aşağıdakıları söyləyib:
“İdman”TV həm Avropa çempionatı vaxtı, həm də ondan sonra Minifutbol Federasiyasına öz dəstəyini həmişə nümayiş etdirib.
Əməkdaşlıq yüksək səviyyədədir. İstəyirik ki, turun, heç olmasa, ən maraqlı 3 oyununu canlı yayımda tamaşaçılara təqdim edək.
Danışıqlar yekunlaşmaq üzrədir. Bir-iki detal var, onlar qalıb”.
.jpg)
.jpg)