“Bayern”in baş məşqçisi Tomas Tuxel komandada ulduz mərkəz hücumçusunun olmamasından danışıb.
Sportinfo.az xəbər verir ki, almaniyalı mütəxəssis London “Arsenal”ının Münhen klubu üçün nümunə olduğunu bildirib:
“Arsenal” qol vurma vəzifəsinin bir neçə oyunçu arasında necə bölüşdürülməsinə bir nümunədir.
Komanda ilə daha çox vaxtım olsaydı, dünya səviyyəli bir hücumçu olmadan da yaxşı hazırlaşıb, çoxlu qol şansları yarada bilərdik.
Məqsədimiz təxminən 16 qol vura biləcək bir neçə futbolçuya sahib olmaqdır.
Hazırda Çempionlar Liqasında dominantlıq edən ən yaxşı komandalar dünya səviyyəli, etibarlı hücumçulara sahibdirlər”.
Polşalı hücumçu Robert Levandovski bir neçə il “Bayern” formasını geyindikdən sonra ötən yay klubdan ayrılaraq, “Barselona”ya keçib.
