.jpg)
Dortmund "Borussiya"sının direktorlar şurasının sədri Hans-Yoahim Vatske hücumçu Erlinq Holandın transfer məsələsi haqda danışıb.
Sportinfo.az xəbər verir ki, Vatske hələ futbolçu üçün təklif almadıqlarını bildirib.
O, Holandı itirəcəklərinə görə narahat olmadıqlarını da vurğulayıb:
“Hələlik Hollandın alınması ilə bağlı bizimlə əlaqə saxlayan olmayıb. Futbolçunun özü də heç nə deməyib.
Biz dəfələrlə belə halla üzləşmişik: məsələn, Levandovski “Bavariya”ya, Obameyanq isə “Arsenal”a keçdi. Biz həmişə yeni bir ulduz yetişdiririk.
Holandın getməsinə görə də narahat deyilik. O getsə, yeni istedad tapıb onu ulduz edəcəyik”.
.jpg)
