«Səbail»in yeni baş məşqçisinin kimliyi müəyyənləşib.
Elvin Məmmədovla vidalaşan Bayıl təmsilçisini bundan sonra Adil Şükürov çalışdıracaq.
O, ən azı mövsümün sonunadək «dənizçilər»in sükanı arxasında dayanacaq.
Şükürov son olaraq «Kəpəz»də işləyib. İyun-oktyabr ayları ərzində Gəncə klubunda fəaliyyət göstərib və uğursuz nəticələr üzündən istefaya göndərilib.
Elə gəldiyi «Səbail»də də vəziyyət yaxşı deyil. Son turda «Cəbrayıl»a 0:2 hesabıyla uduzan komanda çempionluq yolunda ağır zərbə alıb.
«Dənizçilər» hazırda I Liqada lider «Şəfa»dan 5 xal geridədir. Elvin Məmmədovun baş məşqçi postundan getməsi də buna görədir.
SPORTİNFO.AZ
