"Qarabağ"ı sabah çox vacib oyun gözləyir. Çətin görüş olacaq".
Bu sözləri Sportinfo.az-a açıqlamasında "Qarabağ" və Makedoniya millisinin sabiq futbolçusu Artim Şakiri deyib.
2008/2009 mövsümündə Ağdam klubunun şərəfini qorumuş Şakiri “Qarabağ”ın Avropa Liqasının qrup mərhələsinin dördüncü turu çərçivəsində APOEL-ə qarşı oyunu haqda danışıb:
"APOEL evdə uğurlu nəticə üçün oynayacaq. Amma “Qarabağ”ın sərfəli nəticə ilə dönəcəyinə inanıram. “Qarabağ” qrupda 2-ci yeri tutur. Məncə, onlar qrup mərhələsini uğurla başa vuraraq, pley-offa yüksələcək. Bu baş versə, Azərbaycan futbolu üçün böyük uğur olacaq”.