.jpg)
"Qarabağ"la matçdan sonra futbolçularda məyusluq və qəzəb var, çünki məğlub olmağı sevmirik".
Sportinfo.az xəbər verir ki, bunu "Nant"in baş məşqçisi Antuan Kambuare Liqa 1-in VIII turunda "Lans"a qarşı keçirəcəkləri oyundan əvvəl mətbuat konfransında deyib.
59 yaşlı mütəxəssis avrokubokda uduzduqları görüşü analiz etdiklərini bildirib:
"Bütün diqqətimizi bu qarşılaşmaya yönəltmişik. Yaxşı oyun sərgiləmək niyyətindəyik. Futbolçulara inanıram. Qələbəyə çox ehtiyacımız var".
Fransalı baş məşqçi Fabionun zədə səbəbindən meydana çıxmayacağını söyləyib.
Bu gün keçiriləcək "Nant" - "Lans" matçı Bakı vaxtı ilə saat 19:05-də başlayacaq.
"Qarabağ" Avropa Liqasının qrup mərhələsinin II turunda Fransa təmsilçisini 3:0 hesabı ilə məğlub edib.
