.jpg)
«Neftçi» rəhbərliyi ilə Baqali Dabo arasında gərginlik yeni səviyyəyə yaxınlaşıb.
Sportinfo.az-ın məlumatına görə, paytaxt klubu fransalı hücumçusundan FİFA-ya şikayət etmək niyyətindədir.
Buna səbəb 29 yaşlı legionerin onlardan xəbərsiz «Apollon» ilə danışıqlar aparmasıdır. Bu azmış kimi, Dabo iyunun sonunadək keçiriləcək Premyer Liqa oyunlarında iştirakdan boyun qaçırır.
2018-ci ilin yayında «Qəbələ»ni «Neftçi»yə dəyişən legioner yaranmış vəziyyətin əleyhinə işləməsindən duyuq düşüb. Onun komandanın məşqlərinə qatılması bu narahatlıqdan qaynaqşlanır.
Fransızın sözləşməsi iyulun 1-də qüvvədən düşəcək. Həmin vaxtadək isə o, «Neftçi»nin oyun və məşqlərində iştirak etməyə borcludur.
UEFA və FİFA çapında qəbul olunmuş beynəlxalq normalara görə, istənilən futbolçu müqaviləsinin bitməsinə 6 ay qalmış başqa komandayla danışıqlar aparmaq və anlaşmaq hüququna malikdir.
Bunun üçün sadəcə, öz klubunu öncədən məlumatlandırması şərtdir. Dabo bu tələbə məhəl qoymayıb, bir növ, «Neftçi»yə və rəsmilərə hörmətsiz yanaşıb.
