“Keşlə”nin yarımmüdafiəçisi Tural Bayramlı bu gün Azərbaycan Premyer Liqasının 11-ci turu çərçivəsində “Neftçi”yə qarşı keçiriləcək oyunla bağlı danışıb. Sportinfo.az-a açıqlama verən yarımmüdafiəçi matçı səbirsizliklə gözlədiyini deyib:
"Bizim üçün finala bərabər oyundur. Düzdür, hər görüşə eyni məqsəd üçün çıxırıq. Sadəcə, “Neftçi” ilə oyuna daha çox motivasiya olmuşuq. Qələbə qazanacağımıza inanırıq. Əlimizdən nə gəlirsə, edəcəyik. Yaxşı komandamız var. Niyə də qələbə qazanmayaq?”.