.jpg)
"Neftçi"nin sabiq futbolçusu hazırda, “Çaykur Rizespor”da çıxış edən Dario Melnyak Sportinfo.az-a açıqlama verib. “Fənərbaxça”ya keçəcəyi gündəmdə olan xorvatiyalı oyunçu Türkiyə nəhənginə transfer olub-olmayacağı haqda danışıb:
“Hazırda məşqlərimizi davam etdiririk, daha sonra İstanbula gedəcəyik. Çünki bizim “Qalatasaray”la vacib oyunumuz var.
İndi bütün fikrimi həmin oyuna yönəltmişəm. “Fənərbaxça”ya keçə biləcəyim barədə xəbərləri özüm də TV-dən, qəzetlərdən, portallardan oxuyuram. Transfer məsələlərinin hamısını agentimə tapşırmışam, bütün işlərlə o məşğuldur. Mən yalnız futbolu düşünürəm”.
“Neftçi”də oynayarkən “Fənərbaxça” kimi böyük komandadan təklif alacağın ağlına gələrdi?” sualına Melnyakın cavabı bu cür olub:
“Bəlkə inanmayacaqsınız, amma özümə hər zaman inanıram. Hələ “Neftçi”də oynayanda inanırdım ki, böyük klublarda və güclü liqalarda çıxış etmək imkanı qazanacam”.
