.jpg)
“Neftçi” Türkiyənın Antalya şəhərində təlim-məşq toplanışını davam etdirir.
Sportinfo.az xəbər verir ki, komandanın üzvləri oyunöncəsi son məşqə çıxıb.
“Emirhan Sports Complex Side”da baş tutan hazırlıq prosesində zədəli Aqil Məmmədovdan başqa bütün futbolçular, o cümlədən, yeni transfer İvan Brkiç də iştirak edib.
Manavqat bölgəsindəki “The Sense De Luxe” otelində məskunlaşan “ağ-qaralar” sabah toplanış çərçivəsində sonuncu sınaq matçını keçirəcək.
Bakılılar Bakı vaxtı ilə saat 16:00-da Polşanın “Qurnik Lençna” klubu ilə qarşılaşacaq.
Flaqman yanvarın 14-də Macarıstanın “Kişvarda” (2:2), 19-da isə Polşanın “Visla Plosk” (1:1) klubları ilə üz-üzə gəlib.
