«Mən narahat olmuram, hər üç nəticə qarşımıza çıxa bilər».
Bu sözləri Sportinfo.az-a açıqlamasında «Sabah»ın yeni baş məşqçisi Krunoslav Randuliç deyib.
Yaxınlarda Masazır klubu ilə 1,5 illik müqavilə imzalayan xorvatiyalı mütəxəssis Azərbaycan karyerasında ilk məğlubiyyətini yoxlama matçında aldı.
«Qəbələ» ilə görüşdə 0:2 hesabıyla uduzdular. Görəsən, balkanlı sükançının bunun davamının rəsmi oyunlarda da gəlməsiylə bağlı içində bir narahatlıq yoxdur?
Onu dinləyək:
«Yaxşı ki, yoxlama matçında məğlub olduq. Çempionat oyunları fərqli ab-havada keçir.
Premyer Liqada iki qələbə qazanmışıq. Mən məhz bu seriyanın davamının gələcəyinə inanıram.
Çünki istəyimiz bəllidir - turnir cədvəlində ikinci yeri tutmaq. Bu yolda əlimizdən gələni edirik və etməliyik».