Estoniyanın paytaxtı Tallində fiqurlu konkisürmə üzrə gənclər arasında dünya çempionatı başlayıb.
Sportinfo.az xəbər verir ki, ilk yarış günündə mübarizəyə başlamalı olan Azərbaycan idmançısı Vladimir Litvintsev buz üzərinə çıxmayıb.
Milliləşən legioner mundialda iştirak üçün sifariş olunsa da, yarışın startı ərəfəsində adı start vərəqindən də kənarlaşdırılıb. V.Litvintsevin çempionata qatılmamasının səbəbi açıqlanmır.
İdmançımız martın 16-22-də Kanadanın Monreal şəhərində keçiriləcək böyüklər arasında dünya çempionatında da iştirak üçün sifariş olunub.