"Qarabağ" çempionluğunu sona 8 tur qalmış rəsmiləşdirdisə, avrokuboklara gedəcəyi daha öncədən məlum idi.
İndi hər kəsi düşündürən, yayda ölkəmizi Avropada təmsil edəcək digər 3 xoşbəxtin kimliyidir.
3 yerə 6 namizəd var.
Söhbət "Neftçi", "Zirə", "Sumqayıt", "Sabah", "Səbail" və "Turan Tovuz" klublarından gedir.
Sportinfo.az-a açıqlama verən futbol mütəxəssisi Aslan Kərimov məhz adıçəkilən klubların bu mübarizədə şanslarını dəyərləndirib:
"İkinci pilləni kimin tutacağını demək mənim üçün çox çətindir. Komandalar bir-birinə çox yaxındır.
Bu yerə namizəd göstərilən "Neftçi", "Zirə", "Sabah", "Səbail" və "Sumqayıt" bir-birinə qalib gəlmək iqtidarındadır. Kimin güclü olacağını demək, inanın ki, mənim üçün də çətindir.
"Zirə"nin son qələbələri ikinci yerə iddialı olmasını göstərdi. Xüsusilə "Sabah" üzərindəki qələbə.
Amma bu da o demək deyil ki, "Zirə" 100% ikinci pillədə olacaq. Düşünürəm ki, medallardan birinə "Neftçi" sahib ola bilər.
Amma bir-biri ilə oyunlarda şanslar 50-50-yə olacaq. Sadəcə oyun günü kim daha yaxşı formada olacaqsa, o da qalib tərəf olacaq".
XANOĞLAN