"Əməliyyatdan sonra özümü yaxşı hiss edirəm.
Şükür Allaha, hər şey qaydasındadır. Hazırda istirahət edirəm".
Bunu Sportinfo.az-a açıqlamasında bir neçə gün əvvəl Türkiyədə əməliyyat olunan "Keşlə"nin müdafiəçisi Azər Salahlı deyib.
"Artıq Bakıdayam. Komandamızın təlim-məşq toplanışında iştirak edə biləcəm. Hazırlıq müddətində tam hazır olmağa çalışacam" - deyə milli komandamızın da üzvü olan Salahlı sözlərinə davam edib.
Təxminən 1 həftə əvvəl Azərin zədəsinin müayinəsindən sonra onda ikitərəfli qasıq yırtığı aşkar edilmişdi.
Bununla əlaqədar Salahlı Türkiyədə – “Liv Hospital”da uğurla əməliyyat olunub.