Macarıstan "Ferentsvaroş"unun və Ukrayna yığmasının futbolçusu Aleksandr Zubkov Donetsk "Şaxtyor"una keçib.
Sportinfo.az xəbər verir ki, 26 yaşlı yarımmüdafiəçi ilə 2027-ci ilin yayınadək müqavilə bağlanılıb. Tərəflər arasında transfer şərtləri açıqlanmayıb.
Zubkovun Budapeşt klubu ilə sözləşməsi 2024-cü ilədək idi. Lakin komandanın rusiyalı baş məşqçisi Stanislav Çerçesov onu Çempionlar Liqasının oyunlarına sifariş etmirdi.
"Ferentvaroş" III təsnifat mərhələsində "Qarabağ"a rəqib olub. İki komanda arasında Bakıda keçirilmiş ilk matç heç-heçə ilə yekunlaşıb - 1:1.
Cavab görüşü avqustun 9-da Macarıstan paytaxtındakı "Groupama Arena"da keçiriləcək.