Qvineyada baş verən hərbi çevrilişə görə bir neçə gündür ölkəsini tərk edə bilməyən "Neftçi"nin yarımmüdafiəçisi Mamadu Kanenin ölkəmizə gələcəyi tarix dəqiqləşib.
Sportinfo.az-ın məlumatına görə, Kanenin ölkəsini tərk edə bilməsi üçün bütün maneələr aradan qaldırılıb. Əcnəbi futbolçu bu gün Bakıda olacaq.
24 yaşlı yarımmüdafiəçi Mərakeş yığması ilə DÇ-2022-nin seçmə oyununu üçün Afrikaya yollanmışdı.
Sentyabrın 6-da keçirilməli olan Qvineya - Mərakeş görüşü FIFA-nın qərarı ilə təxirə salınıb.
Hərbi çevriliş səbəbindən bir həftə ərzində ölkəyə bütün giriş-çıxışlar dayandırılıb.
Müqavilə ilə Yunanıstan “Olimpiakos”una məxsus olan Mamadu Kane icarə əsasında "ağ-qaralar"da çıxış edir.