.jpg)
“Hazırda sərəncamımızda az sayda sağlam oyunçu var. Son olaraq Mahir Emreli də koronavirusa yoluxub".
Sportinfo.az xəbər verir ki, bunu “Qarabağ”ın məşqçisi Elçin Rəhmanov Avropa Liqasının V turunda “Makkabi”yə (Təl-Əviv) qarşı keçiriləcək oyundan əvvəl mətbuat konfransında deyib.
Baş məşqçi Qurban Qurbanov koronavirusa yoluxduğu üçün komandanı Türkiyədəki matçda meydana çıxaracaq Rəhmanov heyətlə bağlı ciddi problemlər yaşadıqlarını söyləyib: “Hazırda 13-14 sağlam futbolçumuz var. Dua edirik ki, onlar sabah tam hazır olsunlar”.
Dekabrın 3-də İstanbuldakı “Başakşəhər Fatih Terim” stadionunda keçiriləcək “Qarabağ” – “Makkabi” görüşü Bakı vaxtı ilə saat 21:55-də başlayacaq.
