"Bu mövsüm çempionatda ən yaxşı oyunumuzu keçirdik.
Qələbə Avropa Liqasının qrup mərhələsində "Vilyarreal" ilə görüşdəki 1:1 hesablı heç-heçədən daha vacib idi".
Sportinfo.az xəbər verir ki, bu fikirləri "Makkabi"nin (Təl-Əviv) futbolçusu Yonaten Kohen İsrail çempionatının VIII turunda Kfar-Saba “Hapoel”ini 3:0 hesabı ilə məğlub etdikləri matçdan sonra deyib.
24 yaşlı hücumçu Avropa Liqasının qrup mərhələsinin V turunda səfərdə "Qarabağ"a qarşı keçirəcəkləri matç barədə də danışıb: "Bu, bizim əsas oyunumuz olacaq.
Qələbə sayəsində xalımızı 10-a çatdıraraq növbəti mərhələ şansımızı artıracağıq. Bu, bir çox oyunçumuz üçün böyük an ola bilər. "Qarabağ"la görüşdəki qələbə işin gözəl tərəfi olacaq".
Dekabrın 3-də Türkiyənin İstanbul şəhərindəki “Başakşəhər Fatih Terim” stadionunda keçiriləcək “Qarabağ” – “Makkabi” matçı Bakı vaxtı ilə saat 21:55-də başlayacaq. Azərbaycan klubu ölkədəki hərbi vəziyyətlə əlaqədar ev oyunlarını neytral meydanda keçirir.