Qış fasiləsində "Qarabağ"dan ayrılan Riçard Almeyda karyerasını Birləşmiş Ərəb Əmirliklərində davam etdirəcək.
Sportinfo.az xəbər verir ki, braziliyalı yarımmüdafiəçi bununla bağlı "instagram" səhifəsində video paylaşıb. Futbolçu videoda hansı ölkədə olmasını göstərməsə də, ətrafdakı böyük tikililərin üzərində ərəb hərfləri ilə yazılmış sözlər diqqət çəkir.
Əbu-Dabidə olan oyunçunun yerli "Bani Yas" klubuna keçəcəyi gözlənilir.
Almeyda "Qarabağ"la yeni müqavilə imzalamaq üçün klubdan illik 650 min dollar tələb etmişdi.