“Qarabağ”ın qapıçısı Vaqner da Silva Avropa Liqasının qrup mərhələsinin dördüncü turu çərçivəsində APOEL-ə qarşı keçiriləcək oyundan bir gün öncə xoş sürprizlə qarşılaşıb.
Sportinfo.az xəbər verir ki, hazırda Kiprin birinci divizionunda mübarizə aparan “Diqenis Akritas” klubunun müdafiəçisi Joao Leonardo Reqinato “Qarabağ”ın qaldığı otelə yollanıb və Vaqnerlə görüşüb.
Hər iki futbolçu bir-birə forma hədiyyə edib. Vaqnerlə Reqinato vaxtilə “Atletiko Paranaense”də birlikdə oynayıb.
Vaqner 2005-2009-cu illərdə, Joao isə 2005-2008-ci illər arasında Braziliya klubunun şərəfini qoruyub.