.jpg)
"Bayer"də çıxış edən rusiyalı qapıçı Andrey Lunyovun "Qarabağ"a keçidi baş tutmayıb.
Sportinfo.az xəbər verir ki, bu barədə Ağdam klubunun direktoru Emrah Çelikel "Championat" nəşrinə açıqlama verib.
Funksioner Leverkuzen təmsilçisi ilə razılığa gələ bilmədiklərini və danışıqların başa çatdığını bildirib:
“Təəssüf ki, Andrey Lunyovun transferi ilə bağlı “Bayer”lə razılaşa bilmədik. Danışıqlar başa çatıb”.
"Köhlən atlar" əsas qolkiperi Şahruddin Məhəmmədəliyev əlindən ciddi zədə aldığı üçün qapı xəttinə yeni oyunçu axtarır.
Moskva "Torpedo"sunun yetirməsi olan Andre Lunyov ölkəsində "İstra", "Kaluqa", "Saturn", "Ufa" və "Zenit"in də formasını geyinib. O, Rusiya millisində 7 oyuna 14 top buraxıb.
