Konfrans Liqasının qrup mərhələsinin II turunda "Omoniya"nın qonağı olacaq "Qarabağ"ın səfər proqramı açıqlanıb.
Sportinfo.az xəbər verir ki, Ağdam təmsilçisi sentyabrın 28-də saat 18:00-da çarter reysi ilə Kiprə yollanacaq.
Növbəti gün yerli vaxt 19:10-da baş məşqçi Qurban Qurbanovun mətbuat konfransı olacaq. 19:30-da isə komandanın açıq məşqçi nəzərdə tutulub.
Zədələrini sağaldaraq məşqlərə başlayan Bədavi Hüseynov və Elvin Cəfərquliyevin Nikosiyadakı görüşdə iştirakı gözlənilmir.
"Köhlən atlar"ın ispaniyalı legioneri Xayme Romero əməliyyat olunduğu üçün ən azı 6 ay yaşıl meydanlardan uzaq qalacaq.
Sentyabrın 30-da GSP stadionunda oynanılacaq "Omoniya" – "Qarabağ" matçı Bakı vaxtı ilə 23:00-da başlayacaq.