.jpg)
«Qarabağ» Flip Ozobiçə yeni müqavilə təklif edib.
Bu barədə Sportinfo.az-a klubun mətbuat xidmətinin rəhbəri Gündüz Abbaszadə məlumat verib.
Onun sözlərinə görə, hazırda xorvatiyalı yarımmüdafiəçi ilə bu istiqamətdə danışıqlar gedir:
«Təklifin müddəti və şərtləri barədə hələlik heç nə deyə bilmərəm. Sadəcə, onu demək kifayətdir ki, klubumuz Ozobiçlə müqavilənin uzadılmasında maaraqlıdır.
Onun mövcud kontraktı iyunun 30-də başa çatacaq. Ozobiç 2 gündür komandaya qoşulub və gündəlik məşqlərdə iştiraak edir.
Müqavilənin yenilənməsinə ümidimiz böyükdür. Məsələ dəqiqləşəndən sonra bu barədə ictimaiyyətə daha geniş rəsmi açıqlama verəcəyik».
