Albaniya çempionatında 3-cü turun oyunları keçirilir.
Sportinfo.az xəbər verir ki, azərbaycanlı futbolçu Vüsal İsgəndərlinin formasını geyindiyi "Eqnatia" doğma meydanda "Erzeni"ni qəbul edib.
Qarşılaşma ev sahiblərinin 4:3 hesablı qələbəsi ilə başa çatıb.
Vüsal İsgəndərli də bu görüşün iştirakçısı olub. 28 yaşlı yarımmüdafiəçi matça start heyətdə çıxıb və 71-ci dəqiqədə əvəzlənib.
O, 22-ci dəqiqədə komandasının 3-cü qolunun ötürməsini edib. Vüsal 34-cü dəqiqədə sarı vərəqə ilə cəzalandırılıb.
Xallarını 6-ya yüksəldən "Eqnatia" 10 komanda arasında turnir cədvəlinin 2-ci pilləsində qərarlaşıb.
"Eqnatiya" - "Erzeni" 4:3
Qollar: Dvamena, 9 (1:0) 16 (2:0), 22 (3:0), Maliqi, 30 (3:1), Zeynullai, 39 (4:1), Mecje, 54 (4:2), Kahrimanoviç, 90+3 (4:3)