Şəhidin 23-cü doğum günü... FOTOLAR

3 Mart 18:30 Bizimkilər 289
Şəhidin 23-cü doğum günü... FOTOLAR

Bu gün Vətən müharibəsi şəhidi, gizir Telman Rafiq oğlu Həsənlinin doğum günüdür.

Şəhidin 23-cü doğum günü onsuz, dünyaya göz açdığı Biləsuvar rayonunun Bağbanlar kəndində qeyd olunub.

Sportinfo.az xəbər verir ki, rayon ictimaiyyəti şəhid qəhrəmanın ata ocağını və kənd qəbiristanlığında olan məzarını ziyarət edib. Şəhidin məzarına gül dəstələri qoyulub, ruhuna dualar oxunub.

Tank komandiri olan Telman Həsənli 44 günlük Vətən müharibəsində şərəflə döyüşüb. Düşmən cəbhəsinin Füzuli istiqamətində yarılmasınada xüsusi qəhrəmanlıq göstərib və düşmən tankını qənimət gətirib.

Hadrut istiqamətində ağır qəlpə yaraları alsa da, qısa müddətə müalicə alaraq döyüşə qayıdıb. Cəbrayılda, Xudafərin uğrunda döyüşlərdə rəşadət göstərib. Sonuncu döyüşü isə Qubadlı istiqamətində olub.

T. Həsənli Vətən muharibəsinin 22 - ci günündə - oktyabrın 18-də şəhadətə qovuşub. Döyüşlərdə göstərdiyi şücaətə görə ölümündən sonra "Vətən uğurunda" və "Xocavəndin azad olunmasına görə" medalları ilə təltif edilib.






Digər Xəbərlər
Xəbər Lenti
22 Aprel 18:40 Kərim Ronaldonu ötdü