Azərbaycanı avrokuboklarda təmsil edəcək 4 komanda müəyyənləşib.
Sportinfo.az xəbər verir ki, qitə səhnəsinə bir il əvvəl də bu hüquqa yiyələnənlər çıxacaq. “Neftçi”, “Keşlə”, “Qarabağ” və “Sumqayıt” 2020/21 mövsümündə olduğu kimi 2021/22 mövsümündə də avrokubok həyəcanı yaşayacaq. Bu, Azərbaycan futbolu tarixində ikinci belə hadisədir ki, təmsilçilərimizin siyahısı dəyişməz qalır.
2014/15 mövsümündə “Qarabağ”, “Qəbələ”, “Keşlə” və “Neftçi” Avropada oynayıb. Bir il sonra da təmsilçi siyahısı təkrarlanıb. Belə təkrara bir də indi təsadüf olunur.