"Neftçi"dən ayrılmağı düşünmürəm. Qışda komandadan gedəcəyimlə bağlı yayılan xəbər doğru deyil".
Bu sözləri Sportinfo.az-a açıqlamasında "Neftçi"nin müdafiəçisi Mamadu Mbodj deyib. Seneqallı futbolçu Litvanın "Suduva" klubuna keçə biləcəyi ilə bağlı xəbərə münasibət bildirib:
"Bunu ilk dəfə sizdən eşidirəm. Belə bir şey yoxdur. "Neftçi" ilə müqaviləm var. Hələ ki, buradayam".
Bu mövsüm Premyer Liqada cəmi 14 dəqiqə ("Zirə"ni 3:0 hesabı ilə udduqları matçda) meydanda olan 26 yaşlı müdafiəçi ehtiyatda qalması haqda danışmaq istəmədiyini söyləyib: "Neftçi"ni, azarkeşlərimizi çox sevirəm. Ancaq vəziyyətimlə bağlı danışmaq istəmirəm. Ümid edirəm ki, sonda hər şey yaxşı olacaq".
Qeyd edək ki, Mbodj "Neftçi"yə ötən mövsümün ortasında Litvanın "Jalqris" klubundan keçmişdi.