“Qarabağ”ın legioneri Emmanuel Addainin qolu UEFA Çempionlar Liqasında həftənin ən yaxşısı adına layiq görülüb
Sportinfo.az xəbər verir ki, bu, azarkeşlərin səsverməsinə əsasən mümkün olub.
24 yaşlı vinger Bakıda Danimarka təmsilçisi “Kopenhagen”ə qalib gəldikləri 2-ci turun matçında fərqlənib. Forvard “köhlən atlar”ın ikinci qoluna imza atıb.
Addaidən başqa, İngiltərənin “Mançester Siti” klubundan Erlinq Haland, “Monako”dan Cordan Teze, Niderland təmsilçisi PSV-dən İsmael Saibari də namizəd idi.
“Qarabağ” Tofiq Bəhramov adına Respublika stadionunda “Kopenhagen”i iki cavabsız qolla üstələyib.
