«Paylaşdığım videonun bu qədər ajiotaj doğuracağını gözləmirdim».
Bu sözləroi Sportinfo.az-a açıqlamasında "Qəbələ"nin məşqçisi Azər Bağırov deyib.
O, "evdə qal" trendindən kənarda qalmayıb və 3 oğluyla birgə video-çağırış edib. Rusiyanın məşhur sports.ru saytı onun çəkdiyi görüntüyə biganə qalmayıb:
"Bu video hazırkı çətin vaxtlarda sizi mütləq sevindirəcək! "Qəbələ"nin məşqçisi Azər Bağırov evdə qalmaq çağırışını dəstəkləyib. O, yaraşıqlı uşaqları ilə futbol oynamaqla, hamını çətin günləri evdə gözləməklə və çölə çıxmamaqla bağlı müraciət edib".
Bağırov yaydığı videonun yaratdığı rezotnansdan danışıb: "Fikrim ailəmin, yaxınlarımın fikrini bu xəstəlikdən uzaqlaşdırmaq idi. Kimlərinsə nəzərini yaxşı şeylərə cəlb etmək istəyirdim.
Belə məqamlarda insanların bir-birlərinə dəstək verməsi vacibdir. Ailəmizin içində olmağımız, uşaqlala vaxt keçirməyimizin özü yaxşı bir haldır.
Sosial şəbəkədəki səhifəmdə paylaşım etdim, siz jurnalistlərin sayəsində hər yana yanıldı. Rusiya mediasının bundan yaxması mənim üçün xoş haldır.
Yaxşı bir tərəfdən seçilməyimiz, Azərbaycanı tanıtmağımız sevindiricidir".