.jpg)
İranda qadınların stadionda futbol izləməsinə icazə verilib. Sportinfo.az xəbər verir ki, xanım fanatlar İranın "Azadi" stadionunda DÇ-2022-nin seçmə mərhələsində Kamboca ilə keçirilən matçına stadiondan baxıblar.
İran Futbol Federasiyasının icazəsi ilə ilk dəfə təxminən 3 min qadın onlayn bilet alaraq oyunu izləyib. Xanım azarkeşlərin dəstəyi öz bəhrəsini verib. Meydan sahibləri rəqibini 14 cavabsız qolla məğlub edib.
Xatırladaq ki, sentyabrın 10-da stadiona daxil olmağa cəhd edən 29 yaşlı qadın azarkeş Səhər Xudayari tutularaq məhkəməyə verilmişdi.
Məhkəmənin ona cəza verəcəyini öyrənən Xudayari özünü yandıraraq öldürüb. Bundan sonra FİFA İran hökumətindən qadınların hüquqlarının pozulmamasını və onların stadiona maneəsiz daxil olmalarına icazə verilməsini tələb edib.
Əks təqdirdə, İranın Milli Futbol Federasiyasına sanksiyaların tətbiq olunacağı və milli komandanın beynəlxalq yarışlardan kənarlaşdırılacağına dair xəbərdarlıq olunub.
İran hökuməti sanksiyaların tətbiqinin gerçəkləşməməsi üçün 40 illik qadağanı aradan qaldırıb. Qeyd edək ki, bu ölkədə 1979-cu ildən qadınların stadiondan matç izləməsi qadağan olunmuşdu.
.jpg)
.jpg)
