Azərbaycan millisinin hücumçusu Rüfət Dadaşovun şərəfini qoruduğu “Finiks Rayzinq” ABŞ-ın birinci liqasında növbəti oyununu keçirib.
Sportinfo.az xəbər verir ki, “Nyu Mexiko”nu qəbul edən klub 5:2 hesabı ilə qalib gəlib.
Rüfət oyuna start heyətində başlayıb və 69-cu dəqiqəyədək meydanda olub. 22-ci dəqiqədə fərqlənən Dadaşov, komandasının ikinci qolunu vurub.
Bu, futbolçumuzun mövsümdəki 5-ci qolu olub. 13 xal toplayan “Finiks Rayzinq” B qrupunun birincisidir.