PSJ-nin baş məşqçisi Maurisio Poçettino komandanın hücumçusu Kilian Mbappe ilə münasibətindən danışıb.
Sportinfo.az xəbər verir ki, argentinalı mütəxəssis, Mbappe ilə əla münasibətinin olduğunu bildirib:
“Kilianla, eləcə də komandadakı bütün oyunçularla əla münasibətim var. Bu cür əlaqələr zamanla inkişaf edib.
Mbappe bu mövsüm çox yetkinləşdi, inkişaf etdi. O, daha yaxşı olmaq istədiyini söyləyir”.
Mbappenin adı Madrid “Real”ı ilə hallanır. Fransalı hücumçunun bu yay İspaniya klubuna keçəcəyi gözlənilir.