Finlandiya millisi XXI əsrdə Avropa çempionatında debütünü qələbə ilə qeyd edən 3-cü komanda olub.
Sportinfo.az xəbər verir ki,“suomilər” ilk dəfə qatıldıqları qitə çempionatının final mərhələsinə Danimarka üzərində qələbə ilə başlayıb.
1:0 hesablı qələbə qazanan finlandiyalılara qədər Ukrayna və Uels analoji debütə sevinib. Sonuncular ötən çempionatda özü kimi debütant olan Slovakiyanı, ukraynalılar 9 il öncə İsveçi məğlub edib.
Son 4 çempionatda debüt edən Latviya, Avstriya, Polşa, Albaniya və Şimali İrlandiya da Slovakiya kimi məğlubiyyətə üzülüb. İslandiya isə həmin turnirdə çempion olan Portuqaliya ilə heç-heçə edib.