"Qarabağ" "Makkabi"nin basketbol komandasına oxşayır. Çempionat oyunlarında azarkeş az olur.
Mən "Simurq"da çıxış edərkən ev matçımızı 2 000 fanat izləyirdi. "Qarabağ"ın oyunlarına isə cəmi 200 nəfər gəlirdi. İndi vəziyyət dəyişib".
Sportinfo.az xəbər verir ki, bu fikirləri "Simurq"un sabiq futbolçusu İdan Vaytsman Avropa Liqasının I qrupunun ilk turunda İsraildə Təl-Əviv təmsilçisi "Makkabi" ilə qarşılaşacaq "Qarabağ" haqqında danışarkən deyib.
İsrailli müdafiəçi bildirib ki, avrokuboklarda uğurlu çıxış etdikdən sonra Ağdam klubu ölkədə məşhurlaşmağa başlayıb: "Bu, hazırda Azərbaycanın ən yaxşı komandasıdır. Çox sayda azarkeşi var.
Bu, "Qarabağ"ın avrokubok matçlarında da öz əksini tapır. Digər klubların azarkeşləri də beynəlxalq oyunlar zamanı bu komandanı dəstəkləyirlər. Stadionda 20-30 min insan olur".
Vaytsman "Simurq"un formasını 2013 - 2015-ci illərdə geyinib.