Milli Paralimpiya Komitəsinin qılıncoynatma idman növü üzrə idmançısı Aytəkin Həsənova baş məşqçi Asəf Məlikovun rəhbərliyi altında Dünya Kubokunda iştirak edib.
Sportinfo.az xəbər verir ki, İtaliyanın Pisa şəhərində keçirilən Tokio-2020 Yay Paralimpiya Oyunlarına reytinq xalı verən yarış təmsilçimiz üçün uğurlu alınıb.
Belə ki, A. Həsənova çıxış etdiyi hər 3 növdə 4 reytinq xalı qazanıb. O, bununla lisenziyaya yiyələnmək şansını da artırıb.
Bu günə olan nəticələrə əsasən, idmançımız çıxış etdiyi 2 kateqoriyada 18-ci yer və digər 1 kateqoriyada isə 12-ci yerdə qərarlaşıb.
31 may 2020-ci ilədək reytinq cədvəlində ilk 25 yeri tutan idmançılar Tokio-2020 Yay Paralimpiya Oyunlarına lisenziya qazanacaqlar.
