.jpg)
Qadın voleybolçulardan ibarət yığmanın baş məşqçisi Vüqar Əliyev istefa ərizəsi yazıb.
O. Avropa çempionatında qeydə alınan uğursuz nəticələr səbəbindən millinin sükanı arxasını tərk etmək niyyətindədir.
Sadəcə, federasiya rəhbərliyi hələ qərarını verməyib. AVF-nin prezidenti Cavid Qurbanovun yığmanın vəziyyəti ilə əlaqədar yaxın günlərdə toplantı çağırması gözlənilir.
Azərbaycan yığması 24 komandanın qatıldığı final mərhələsini 24-cü sırada başa vurub. Buna Vüqar Əliyevin yetirmələrinin qrup sonuncuları arasında ən bərbad nəticə göstərməsi səbəb olub.
Millimiz keçirdiyi 5 matçda xala həsrət qalıb və yalnız 1 setdə qalib gəlib. Digər qrup sonuncularından İsveçrə (2 xal, setlər – 4:14) və Yunanıstan (2 xal, setlər – 2:15) xallarının sayına görə millimizi qabaqlayıb.
AVRO-2021-i bizim kimi xalsız başa vuran digər yığma Rumıniya (0 xal, setlər – 3:15) olsa da, onların set fərqi daha yaxşıdır.
SPORTİNFO.AZ
