.jpg)
Azərbaycan millisinin futbolçusu Mahir Emreli “Qarabağ”ın heyətində 70-ci qoluna imza atıb.
Sportinfo.az PFL-in saytına istinadən xəbər verir ki, bu, Premyer Liqanın XXVI turuna təsadüf edib.
“Sabah”la görüşdə (4:0) fərqlənən hücumçu Ağdam təmsilçisində yubiley qoluna sevinib. 2015/16 mövsümündən “Qarabağ”da çıxış edən 24 yaşlı forvard bu qollardan 58-ni Premyer Liqa, 7-ni ölkə kuboku, 5-ni avrokuboklarda rəqib qapısından keçirib.
“Sabah”la qarşılaşmadakı qol Emrelinin cari mövsüm Premyer Liqada 17-ci topu olub. Bununla da forvard karyerasının mütləq rekorduna imza atıb. O, 16 qola sevindiyi 2018/19 mövsümündəki göstəricisini arxada qoyub.
