Fransa millisinin baş məşqçisi Didye Deşam hücumçuları Antuan Qrizmannın “Barselona”dakı durumuna münasibət bildirib.
Sportinfo.az xəbər verir ki, 52 yaşlı mütəxəssis "Telefoot"a açıqlamasında futbolçunun çətin durumdan keçdiyini söyləyib.
Deşam Qrizmannın tədricən daha yaxşı çıxış edəcəyini bildirib: “Qrizmann bir az şokdadır, dəyişməlidir. Amma onun bacarığını heç vaxt şübhə altına almayacam. Düzü, klublarında çətin vəziyyətdən keçən bütün oyunçular bir az şoka düşürlər. Bu da təbiidir”.
Qrizmann bu mövsüm La Liqada 7 oyuna 2 qol vurub.