PSJ-nin baş məşqçisi Tomas Tuhel komandasının çox tənqid edilməsindən narazılıq edib.
Sportinfo.az xəbər verir ki, 47 yaşlı mütəxəssis həmin fikirlərlə razılaşmadığını bildirib:
“Tənqid problem deyil. Bunu mənə də edə bilərsiniz. Amma gəlin, realist olaq. “Yuventus” A Seriyasında liderdir? Yox. İngiltərədə “Liverpul” birincidir, yoxsa “Mançester Siti”? La Liqada “Barselona”, yoxsa “Real”?
Biz Liqa 1-də liderik. Amma hamı deyir ki, hə, PSJ üçün bu, asandır. Heç də asan deyil. İnsanlar başa düşməlidirlər ki, rəhbərlik etmək həmişə çətindir”.
8 turdan sonra 18 xalla turnir cədvəlinə başçılıq edən PSJ Çempionlar Liqasının H qrupunda 3 xalla 2-ci yerdədir.