.jpg)
“Mançester Yunayted”in yeni transferi Edison Kavani açıqlama verib.
Sportinfo.az xəbər verir ki, Kavani PSJ-də oynadığı dövrü xatırlayıb.
Uruqvaylı hücumçu Neymarla münasibətləri barədə də danışıb: “O, yaxşı oğlandır. Mən Neymarla yalnız bir dəfə, “Lion”la oyunda mübahisə etmişəm. Məhz o hadisəni qabardaraq bizim münasibətlərimizin yaxşı olmadığını deyirlər.
Amma bu belə deyil. Düzdür, biz ayrı-ayrı adamlarıq. Ancaq həmişə demişəm ki, komandada hamının dost olması vacib deyil.
Əsas odur ki, meydanda dost olasan, hamı komanda naminə mübarizə aparsın, bir-birinə dayaq olsun. Ondan sonra isə paltardəyişmə otağında. Daha hamının bir yerdə nahar etməsinə ehtiyac yoxdur.
Bəli, biz ayrı-ayrı adamlarıq, bizim düşüncələrimiz fərqlidir, amma bütün bunlar yaxşı münasibətə mane olmur”.
