"Lion"un prezidenti Jan-Mişel Olas "L'Equipe" nəşrinə açıqlamasında, Fransa Liqa 1-də mövsüm erkən başa çatdırılmasına münasibət bildirib.
Sportinfo.az xəbər verir ki, funksioner fransız rəsmilərin düzgün qərar qəbul etmədiyini düşünür:
"İspan rəsmilər son iki ay ərzində vəziyyəti izlədilər və UEFA ilə birlikdə işlədilər. 23 apreldə Tebasın (La Liqa prezidenti) olduğu iclasda Kilyo (Liqa 1-in baş direktoru) da iştirak etmişdi.
Konfransda UEFA rəhbərliyi hamıya demişdi: "Səbirli olun". Amma bizim rəsmilər fərqli qərar qəbul etdilər. Deyəsən, biz, həqiqətən də, axmağıq".
