"Oser"in keçmiş futbolçusu Fabris Lepol avtomobil qəzasında dünyasını dəyişib.
Sportinfo.az xəbər verir ki, faciəvi hadisə mayın 22-nə keçən gecə baş verib.
O, 43 yaşında həyatını itirib. Fabris Lepol yetirməsi olduğu "Oser"lə 1995/1996 mövsümündə Fransa çempionu olub. Lepol 1997-ci ildə də avtomobil qəzasına düşüb. Nəticədə o, həmin hadisədən bir neçə il sonra karyerasını bitirməli olub.
Mərhum futbolçu "Sent-Etyen" və "Kan"da da çıxış edib. Onun oğlu Esteban Lepol da peşəkar futbolçudur. O, hazırda "Lion"un gənclərdən ibarət komandasında çıxış edir.
